Башкы прокуратура электр энергиясына болгон дебитордук карыздын мыйзамсыз жоюлганына байланыштуу "Жалалабатэлектронун" жооптуу кызматкерлерине кылмыш ишин козгоду. Башкы көзөмөлдөөчү орган 2015-2021-жылдар аралыгында аталган ишкана жалпы көлөмү 114 миллион сомго жакын карызды негизсиз жойгонун билдирди.
"Бул кылмышка шек саналып ишкананын мурдагы жетекчиси М.К.А Жалал-Абад облустук ички иштер башкармалыгынын тергөө абагына киргизилди. Тергеп-иликтөө уланып жатат", деп айтылат маалыматта.
Бул ишкананы 2019-жылга чейин Маматканов Кеңешбек Апсалиевич жетектеген.
"Жалалабатэлектро" облустагы 232 миңге жакын кардарга кызмат көрсөтөт жана анда 1,5 миңден ашык адам иштейт.
