Европадагы коопсуздук жана кызматташтык уюмунун (ЕККУ) Бишкектеги кеңсеси Ички иштер министрлигине жаңы унааларды тапшырды. Бул тууралуу аталган министрликтин басма сөз кызматы маалымдады.
"Жети унаа милициянын көчмө кабылдамаларына, экөө туристтик-экологиялык полицияга бөлүнгөн. Атайын унаалар борбор калаанын Ленин, Биринчи Май райондук ички иштер бөлүмдөрүнө, Сокулук, Нарын, Лейлек, Сузак жана Алай райондорунун ички иштер бөлүмдөрүнө тапшырылат", - деп айтылат маалыматта.
Соңку он жылда ЕККУ Ички иштер министрлигине милициянын 39 көчмө кабылдамасын алып берген.
