Кыргыз бийлиги менен Канаданын “Центерра Голд” компаниясынын ортосундагы талаш-тартышты чечкен макулдашууга кол коюлду. Президент Садыр Жапаров кайрылуу жасап, Кыргызстан эң чоң алтын кенине толук ээлик кыларын жарыялады. Өлкө эгемендик алгандан бери чуусу басылбаган кен боюнча келишимдин шарттары кандай? Кыргызстанга толугу менен өткөн Кумтөр кантип иштетилет? Бул суроолорду "Эксперттер талдайт" программасында талкуулайбыз. Талкууга Министрлер кабинетинин төрагасынын орун басары Эдил Байсалов, Жогорку Кеңештин депутаты Акылбек Түмөнбаев, парламенттин экс-депутаты, Кумтөр боюнча иштеп келе жаткан активист Эркингүл Иманкожоева, Кыргызстандагы тоо кенчилер бирлигинин төрагасы Дүйшөнбек Камчыбеков жана аналитик Эмиль Каниметов катышты.