Кыргызстандын Мамлекеттик бажы кызматы Евразия экономикалык биримдигинин бажы мыйзамдарын бузуу менен Тажикстандын Дүйшөмбү шаарынан Бишкекке эки тик учак алып келингенин билдирди.
Маалыматка ылайык, Бишкектин “Манас” бажысына 2021-жылдын 17-августунда Дүйшөмбү шаарынан “Ф.С.Э.” жоопкерчилиги чектелген коомуна “МИ-8”, “МТВ-1” вертолёттору келген. Бирок, аларга карата бажы операциялары жүргүзүлгөн эмес. Товардын наркы 640 000 долларды түзүп, мамлекетке келтирилген чыгым 3 млн. 519 миң 723 сом деп эсептелген.
Учурда бул фактыны Башкы прокуратура иликтеп жатат.
Кыргызстандын Бажы кызматы эки техниканы алып келген кайсы ишкана экенин жана эмне иш кыларын маалымдаган жок. (TSh)
