Салык кызматы эки айда пландан тышкары 371 млн. сом камсыздандыруу төлөмдөрүн чогултту. Бул тууралуу Салык кызматынын басма сөз кызматы билдирди.
Январь-февраль айларында 6 млрд. 671 млн. сом камсыздандыруу төлөмдөрү чогултулган. План 5,9 %га же 371 млн. сомго ашык аткарылган.
2021-жылдын ушул мезгилине салыштырмалуу 1 млрд. 74,1 млн. сомго көп жыйналган.
18-январда президент Садыр Жапаров жаңы Салык кодексине кол койгон.
Президенттин администрациясы Салык кодексинин максаты салык системасынын туруктуулугун камсыздоо, салыктык жол-жоболорду санариптештирүү, ишкердикти жүргүзүүдө бирдей шарттарды түзүү жана көмүскө экономиканы кыскартуу экенин билдирген. Бирок адистер жаңы салык кодекси ишкерлердин ишине тоскоолдук кыларын, алардын сунуштары эске алынбай калганын айтып чыгышкан.
