18-январдан 24-январга чейин коронавирустан 18 киши каза болду. Саламаттык сактоо министрлиги кабарлагандай, мурдагы жумаларга салыштырмалуу COVID-19 вирусунан каза болгондор акыркы күндөрү төрт эсе жогорулады.
15 адам Бишкекте, Талас, Ысык-Көл, Баткен облустарында бирден киши көз жумду. Ош шаары, Ош облусу, Чүй, Нарын жана Жалал-Абадда өткөн жумадан бери өлүм каттала элек.
Расмий маалыматтарга караганда, каза болгондордун баары эмделген эмес. Коронавирустан каза болгондордун жалпы саны 2851 адамга жетти. Соңку бир күн ичинде вирус дагы 426 адамдан табылды.
Өлкөдө бул оору жуккандардын расмий катталган саны 195 820. Азыр ооруканада 1176 адам жатат, дагы 6780 бейтап үйдөн дарыланууда. Жалпы айыккандардын саны 183 517 киши. (BCh)
