Бишкекте беш жылдан бери жабык турган Улуттук тарых музейи 20-ноябрда ачылат. Бул тууралуу маданият, маалымат, спорт жана жаштар саясаты министри Азамат Жамангулов билдирди.
Министр Фейсбукка жазгандай, жарандар 30-ноябрга чейин саат 10:00дөн 18:00гө чейин музейге акысыз киргизилет. Кийин акылуу кызмат көрсөтүлөт.
2016-жылы оңдоо иштерине байланыштуу жабылган Улуттук тарых музейи коррупцияга байланыштуу талаштуу жагдайлардан улам ушул күнгө чейин ачылбай турат.
