Бишкек шаарындагы Чыңгыз Айтматов, Бүбүсара Бейшеналиева, Айкөл Манас сыяктуу бир нече эстеликтердин жанында QR-код орнотулду. Анда смартфон аркылуу эстеликтеги каарман жөнүндө үч тилде маалымат окууга болот. Маалыматтар este.kg сайтында жайгаштырылган. Бул долбоорду “Эсте” коомдук фонду ишке ашырды.
“Долбоордун негизги максаты - кыргызстандыктардын арасында тарыхыбызды жана маданиятты жайылтуу жана өлкөнүн туристтик тармагына колдоо көрсөтүү”, - деп айтылат фонддун билдирүүсүндө.
Борбор калаада 80дин тегерегинде эстелик монументтер коюлган. (TSh)
