Ноокаттын жолун жамоо башталат

Ноокатта жергиликтүү бийлик аба-ырайы жакшырганда Ош–Баткен жолунун аталган районго караган бөлүгүндөгү чуңкурларды жамаганы жатат. Толугу менен оңдоп-түзөө иштери болсо күз айларына калганы белгилүү болду. Өткөн аптада жергиликтүү тургундар жолдун оңдолушун талап кылып нааразылык акцияларды өткөрүшкөн. Ал арада Ноокатка караштуу Гүлистан айылындагы көпүрөнүн бир тарабы чөгүп, кооптуу жагдай жаралды.