Бишкекте «Аялдардын тилектештик маршы» өттү. Активисттер парламент имаратынын алдына чогулуп, Уркуя Салиеванын эстелигине барышты. Акцияда аялдардын укуктары, гендердик теңдик, зордук-зомбулукка каршы ураандар чакырылды. Ушундай эле жүрүш Ош шаарында да өттү. Өткөн 2020-жылы 8-мартта «Аялдардын тилектештик маршы» белгисиз адамдардын кийлигишүүсү менен үзгүлтүккө учураган болчу. Бул ирет марш тынч, эч бир чыр-чатаксыз жыйынтыкталды.