Борбордук шайлоо комиссиясы 6-январга карата 30дан ашуун эл аралык уюмдан, 44 өлкөдөн 400гө чукул байкоочуну расмий каттады. Мекеменин маалыматына караганда катталгандырдын басымдуу бөлүгүн Европадагы Коопсуздук жана Кызматташтык Уюмунун (ЕККУ) жана Көз каранды эмес Мамлекеттер Шериктештигинин (КМШ) парламент аралык ассамблеясынын байкоочулары түзөт.
Булардан тышкары байкоочулары катталгандардын арасында КМШга кирген мамлекеттер, Шанхай Кызматташтык Уюму, Түрк тилдүү мамлекеттердин парламенттик ассамблеясы, Ислам Кызматташтык Уюму, Жамааттык Коопсуздук Келишим Уюмунун парламенттик ассамблеясы бар.
10-январда Кыргызстанда мөөнөтүнөн мурда президенттик шайлоо жана мамлекеттик башкаруу формасын аныктоо боюнча референдум өтөт. Президенттикке 17 талапкер ат салышууда. (ZKo)
