Бишкекте айыл чарба азыктары арзандатылган баада сатылган жармаңке өтүп жатат.
Бүгүн, 17-декабрда шаардагы "Технопарк" соода борбору менен 7-кичирайондогу "Глобус" гипермаркетинин жанында калаа тургундары дыйкандардан өз баасында азык-түлүк сатып ала алышат.
Бул тууралуу Айыл чарба, тамак аш жана мелиорация министрлиги маалымдады. Жармаңкеде эт 390, тоок 135, жумуртка 85, кум шекер 46 сомдон сатылууда.
Кыргызстанда акыркы мезгилде тамак-аштын баасы кескин жогорулап кеткен. Айрыкча эттин наркы көтөрүлүп, аталган министрлик тирүү малды экспорттоого тыюу салган. Азык-түлүктүн кымбаттоосун адистер валюта курсунун өсүшүнө байланыштырышкан. (BCh)
Дагы караңыз
