«Кыргызгидромет» борбору кабарлагандай, 11-декабрда Ысык-Көл облусунун кээ бир райондорунда кар жаайт, калган аймактарда жаан-чачын болбойт. Чүй, Талас, Ош, Жалал-Абад, Баткен облустарынын кээ бир райондорунда туман түшөт.
Жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетиши күтүлөт.
Абанын температурасы:
Чүй өрөөнүндө түнкүсүн -2…-7, күндүз 1…6;
Талас жергесинде түнкүсүн -9…-14, күндүз -1…+4;
Баткен, Ош, Жалал-Абад дубандарында түнкүсүн -1…-6, күндүз 2…7;
Ысык-Көл облусунда түнкүсүн -4…-9, күндүз -2…+3;
Нарын облусунда түнкүсүн -15…-20, күндүз -1…-6;
Бийик тоолордо түнкүсүн -20…-25, күндүз -7…-12 градус болот.
11-декабрда Бишкек шаарында жаан жаабайт. Түнкүсүн жана эртең менен туман түшөт. Абанын түнкү төмөнкү температурасы -7…-9° суук, күндүзгү жогорку температурасы 1…3° болот. (ErN)
