Жаңы төрага жана коюлган доомат

4-ноябрда Талант Мамытов Жогорку Кеңештин төрагасы болуп шайланды. Мунун алдында парламенттин спикери Канатбек Исаев өз эрки менен кызматтан кетип, аны президенттик шайлоого катышуу ниети менен байланыштырды. Мамытов президенттин милдетин аткарып жаткан премьер-министр Садыр Жапаровдун саясаттагы үзөңгүлөшү. Айрымдар парламенттеги акыркы орун алмашуу Жапаровдун бийлигин бекемдегенин айтышып, аны узурпация катары баалап жатышат.