Канатбек Исаев: - Азыркы тапта Садыр Жапаров эбегейсиз бийлик рычагдарына ээ болуп турат. Бирок ал расмий билдирүү жасап, алдыдагы президенттик шайлоого катышарын билдирди. Мындай шартта президенттин милдетин кайра Жогорку Кеңештин төрагасы аткарышы керек. Төрага аткарбаса, биринчи вице-премьер-министр президенттин милдетин аткара албайт. Саясий туңгуюкка кабылганы турабыз. Ушундан улам мен төрагалык кызматты тапшырып берүү чечимин кабыл алдым
Жогорку Кеңештин төрагалыгына депутат Талант Мамытовдун талапкерлиги көрсөтүлөөрү белгилүү болду.
Талантбек Мамытов анын талапкерлиги Жогорку Кеңештин төрагалыгына көрсөтүлүп жатканы тууралуу журналисттердин суроосуна жооп берген жок. Мамытов депутаттар анын пайдасына кол топтоп жатканын укканын, бирок расмий маалыматы болбогонун айтты.
“Ар бир депутаттын төрага болуу укугу бар, бул үчүн палатанын колдоосу зарыл. Эгерде күн тартибине ушундай маселе коюлса, мен силерге пикиримди толук айтам”, - деди ал.