Нарында добуш берүүчү электрондук үкөктөр жакшы иштебей, шайлоочулар күтүп калып жатышат. Бул тууралуу «Азаттыкка» Борбордук шайлоо комиссиясынын Нарындагы өкүлү Бакыт Өмүралиев билдирди.
Анын айтымында, Нарын районунун Оттук, Дөбөлү, 8-март айылдарында ушундай көрүнүштөр байкалган. Ал эми Дөбөлү айыл аймагынын башчысы Улан Алсеитов үкөк эки сааттай иштебей турганын, шайлоочулар кезек күтүп топтолуп калганын белгиледи.
Саат 12:00гө карата облустагы шайлоочулардын 22% добуш берди.
Нарын облусунда 189114 шайлоочу бар. Алар 171 шайлоо участогунда добуш берип жатышат.
Электрондук үкөктөр иштебей калган учурлар Ош, Талас облустарында да байкалды. (Mik)
