Өзбек элине белгилүү диктор жана ырчы Шухрат Каюмов 51 жашында көз жумду. Ал 22-сентябрда жүрөк оорусу кармап, жашоо менен кош айтышканын Өзбекстандын Маданият министрлиги кабарлады.
Шухрат Каюмов 1969-жылы Ош шаарында төрөлгөн. 1991-жылы Ташкенттеги Мамлекеттик искусство институтун аяктап, Өзбек улуттук телерадиокомпаниясында көп жыл диктор болуп иштеген. Телевидениедеги жумушу менен катар ырчылык өнөрдү аркалап, Өзбекстандын эмгек сиңирген артисти наамын алган.
