Бейруттагы жарылууда жүздөгөн киши жабыркады

4-августта Ливандын борбору Бейрут шаарындагы деңиз портунда катуу жарылуу болду. Эл аралык кабар агенттиктери бери дегенде 50 киши мерт болгонун Ливандын саламаттык сактоо министрлигинин маалыматына таянып кабарлады. "Кызыл жарым ай" уюмунун Ливандагы өкүлчүлүгү жарадарлар жүздөп саналарын билдирди. Азырынча жарылуунун себеби белгисиз.