21-июль күнү кечинде Оштун Кара-Суу районунун Миялы айылында 13 жашар бала чагылган тийип каза болду. Өзгөчө кырдаалдар министрлиги кабарлагандай, бала мал кайтарып жүргөн. Кара-Суу метеостанциясынын билдиргенине караганда, 21-июль күнү саат 18:45 чамаларында башталган туруксуз аба-ырайы үч саатка чукул созулган. Күн күркүрөп, катуу жамгыр жааган.
Ушул жылдын май айында Ысык-Көл облусунда 25 жаштагы жигит мал кайтарып жүргөндө чагылган уруп каза болгон. (TSh)
