26-апрелге карата Кыргызстанда коронавирус дагы 17 адамдан табылды. Бул тууралуу саламаттык сактоо министринин орун басары Нурболот Үсөнбаев брифингде билдирди.
Алардын ичинен:
Бишкек шаарында – 7
Ош шаарында – 1
Чуй облусунда – 1
Нарын облусунда – 2
Баткен облусунда – 2
Жалал-Абад облусунда – 2
Ош облусунда – 2 киши.
Ошентип, республика боюнча бул илдетке чалдыккандардын жалпы саны 683 кишиге жетти, каза болгондор – сегиз адам.
Бир сутка ичинде 25 бейтап ооруканадан айыгып чыкты:
Бишкек шаарында – 10
Ош шаарында – 2
Ош облусунда – 1
Жалал-Абад облусунда – 6
Нарын облусунда – 6.
Жалпысынан ушул күнгө чейин 370 бейтап айыкты.
Кыргызстандын коронавирус көп катталган Бишкек, Жалал-Абад, Нарын, Ош шаарларында, Ат-Башы, Кара-Суу, Ноокат жана Сузак райондорунда 30-апрелге чейин өзгөчө абал жарыяланган. Бул аймактарда 21:00дөн таңкы 6:00гө чейин көчөгө машине жана адамдар чыкпашы керек.
Ички иштер министрлигинин (ИИМ) маалыматына караганда, 26-апрелге карата өзгөчө абал киргизилген аймактарда коменданттык сааттын талаптарын 61 киши бузду. 34 автоунаа айып токтотмосуна коюлду.
Алардын ичинен: Бишкек шаарында – 47, Ош шаарында - 4, Ат-Башы районунда - 4, Сузак районунда - 6 адам кармалды. Алардын бардыгына түшүндүрүү иштери жүргүзүлүп, коменданттык сааттын аякташы менен бошотулду. Ал эми Жалал-Абад, Нарын шаарларында, Кара-Суу, Ноокат райондорунда тартип бузуу катталган жок.
Жалпысынан өзгөчө абал киргизилген 25-марттан тартып 3502 киши коменданттык сааттын талаптарын бузганы үчүн кармалып, кайра коё берилди.
Эскертүү!
«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
