Бишкек шаарында автоунаада баратып тапанчадан асманга ок аткан адамды милиция издеп жатат. Шаардык ички иштер башкармалыгынын басма сөз катчысы окуянын чоо-жайы териштирилип жатканын билдирди.
5-декабрда Түштүк магистралдын жанында «Ала Арча» соода үйүнүн жанында ак түстөгү жеңил машиненин айдоочусу терезеден тапанчадан асманга ок атып, жолун улантып кете берген. Окуя тартылган видеону «Фейсбуктун» колдонуучулары Интернетке чыгарышты. (SE)
