Атамбаевдин макамын алуу мыйзамдуу деп табылды

Жогорку соттун Конституциялык палатасы мурдагы президент Алмазбек Атамбаевдин тарапкерлеринин өтүнүчүн четке какты. Конституциялык палатанын судьялары 2019-жылдагы «Президенттин ишмердигинин кепилдиктери жөнүндө» мыйзамдын нормаларын Баш мыйзамга ылайык деп тапты. Бирок Конституциялык палата «учурдагы президент экс-президенттен кепилдикти алат» деген эреже Баш мыйзамга дал келбесин билдирди. Атамбаевдин тарапташтары Конституциялык палатанын бүтүмүн бийликтин тапшырмасы деп баалап, аталган орган кайсы гана бийлик болбосун алардын мыйзамсыз иштерин мыйзамдаштырып келгенин айтып жатышат.