Керкидан Өзбекстанга кандай шартта өткөн?

"Азаттыктын" Оштогу кабарчысы Керкидан суу сактагычынын айланасындагы "Өзбекстанга алмашылды" деген жердин чоо-жайын, жергиликтүү тургундар жана бийлик өкүлдөрү менен сүйлөшүп, билип келди. 10-сентябрда Өзбекстандын чек арачылары Керкидан суу сактагычынын тегерегиндеги тилкени тосо баштаганы жергиликтүү тургундарды нааразы кылып, пикир келишпестик чыккан. Өзбекстандын аскер кызматкерлери чек арада атайын техника менен турганы тартылган видеолор интернетте тарап жатты.