Чехияда чемпион болгон хоккейчилер

Кыргызстандын хоккей боюнча өспүрүмдөр командасы Чехиянын Писек шаарында өткөн чемпионатта жеңишке жетти. Алар турнирде алты команда менен беттешип, «Чехиянын шайбасы» кубогуна ээ болушту. Бул жеңиш хоккей анча өнүгө элек тоолуу өлкөдөн келгендер бул спорттун чеберлери менен тең-тайлаш оюн көрсөтө аларын далилдеди. Кыргызстандык өспүрүмдөр турнирден кийин Прага шаарында «Азаттыктын» кабарчыларына да жолугууга убакыт табышты.