Кыргызстандын жана алыскы-жакынкы чет өлкөлөрдүн кол өнөрчүлөрү катышкан “Оймо” фестивалы ушул жума Ысык-Көлдүн Чолпон-Ата шаарында уланат. Борбор азиялык кол өнөрчүлөрдү колдоо ресурстук борборунун жетекчиси, фестивалдын уюштуруучусу Динара Чочунбаеванын айтымында, быйыл кол өнөрчүлөрдүн колунан жаралган жаңы дизайндагы буюмдар сунушталууда.
25-июлда Бишкекте башталган иш-чарага Кыргызстан, Казакстан, Тажикстан, Ооганстан, Өзбекстан, Грузия, Орусия, Индия, Иран өлкөлөрүнөн келген кол өнөрчүлөрдүн көргөзмөсү уюштурулду. Ар кайсы темада жармаңке-көргөзмөлөр, мастер-класстар өткөрүлүп, кыргыз кинолору көргөзүлдү.
Аталган фестивал 14 жылдан бери Кыргызстанда өткөрүлүп келатат. (КЕ)
