25 миң сом үчүн беш жыл жаза
Токмок шаарынын соту дарыканадан 25 миң сом уурдаган жаранды 70 миң сом айып пулга жыгып, беш жылга эркинен ажыратты. Айыпталуучу Замир Кожоканов кылмышка ооруп жаткан кызына дары алууга акчасы жок үчүн барганын айтып, күнөөсүн мойнуна алып, милицияга өзү барган. Замирдин жакындары жана юристтер сот жеңилдетүүчү жагдайларды эске албай, катаал чечим чыгарды деп эсептешет. Бул окуя социалдык тармактарда кызуу талкууга түшүп, колдонуучулардын көбү соттон ишти кайра карап чыгып, жазасын жеңилдетүүнү суранып жатышат.