Атамбаев Жээнбековду айыптады

Кыргызстан социал-демократиялык партиясынын (КСДП) коррупцияга каршы митингинде экс-президент Алмазбек Атамбаев кайрадан Сооронбай Жээнбековду айыптады. Ал бийлик коррупция менен күрөштү шылтоолоп, саясий атаандаштарын куугунтукка алып жатканын билдирди. Атамбаев кримтөбөл Азиз Батукаевдин иши, мурдагы бажычы Райымбек Матраимов тууралуу да сөз козгоду. Бирок коомчулукта ушул эле маселелерде экс-президенттин өзүнө да сын таккандар болду.