АКШнын мамлекеттик катчысы Майк Помпео Иран Бириккен Араб Эмирлигинин мунай танкерлерине чабуул жасаганын билдирди.
Помпеонун айтымында, Тегерандын майдын башындагы аракети мунайдын дүйнөлүк баасын көтөрүүнү көздөгөн.
Бул тууралуу мамлекеттик катчы 30-майда Европага сапаранын алдында айтты:
«Бул ирандыктардын дүйнөдө чийки мунайдын наркын жогорулатуу аракети болгон», - деди ал.
12-майда Оман булуңунда төрт кеме «диверсиялык чабуулга» кабылганы кабарланган.
Саудия алардын арасында эки мунай танкери бар экенин билдирген. АКШ башында турган беш өлкөнүн эксперттеринен турган топ бул окуяны иликтеп жатат.
