Парламенттеги «Кыргызстан» фракциясынан Айтмамат Назаровдун ордуна депутат болуп Айнура Аскарова келет. Фракциянын катчылыгы «Азаттыкка» билдиргендей, депутат болчулардын тизмесинде турган Аскаровага мандат кийинки жумада берилиши мүмкүн.
Бүгүн, 23-майда Айтмамат Назаров «Улуттук энергохолдинг» компаниясына жетекчи болуп дайындалгандыктан мандатын тапшыраарын жарыялаган.
Айтмамат Назаров Жогорку Кеӊешке «Кыргызстан» фракциясынан депутат болуп шайланып келген. Ал эми Айнура Аскарова буга чейин КТРКнын Байкоочу кеңешинин катарында болгон. «Замандаш» журналынын редактору болгону белгилүү. (NT)
