Энелер Сирияга кеткен кыздарын сагынды

Туугандары Сирияга кеткен айрым жарандар жакындарын, алардын балдарын кайтарып келүүгө жардам берүүнү өтүнүп, президент Сооронбай Жээнбеков баштаган бийлик бутактарынын жетекчилерине кайрылуу жолдошту. Алар 14-майда Бишкекте маалымат жыйынын өткөрүшүп, Сирияга алданып кеткендерге мунапыс жана психологиялык, социалдык жардам берүүнү өтүнүштү. Улуттук коопсуздук боюнча мамлекеттик комитет буга чейин Сирияга кеткен кыргызстандыктарды кайтаруу аракети көрүлүп жатканын билдирген.