Президент Сооронбай Жээнбеков бүгүн 7-майда Токтоболот Абдумомунов атындагы Кыргыз улуттук академиялык драма театрына жана Чыңгыз Айтматов атындагы Мамлекеттик улуттук орус драма театрына барды.
Кыргыз драма театры акыркы жолу тогуз жыл мурда оңдолгону, азыр оңдоп-түзөөгө жана материалдык-техникалык базаны жаңылоого 76 млн. сомдон ашуун каражат керек экени, жылына театр өзү тапкан каражатка алты спектакль тартуулап жатканы айтылды.
Орус драма театрында оңдоп-түзөө 3-4 жыл мурда болгону, азыр жаңылоого 114 млн. сом керек болуп жатканы, жылына алты жаңы спектакль көрсөтүлөрү белгилүү болду.
Мамлекет башчысы эки театрдын имараттарын көрүп чыгып, тез арада капиталдык оңдоп-түзөө үчүн каржылоону тездетиш керек экенин белгиледи. Ал начар шартта эмгектенип келген, бирок ишине берилген чыгармачыл жамааттарга ийгилик каалап, каржылоо маселелерин чечүүгө көмөк көрсөтүүгө убада берди.
