Кыргызстандын мамлекеттик чек арасынан мыйзамсыз өтүүгө аракет жасаган деген шек менен тажик жараны кармалды. Бул тууралуу Чек ара кызматы кабарлады.
Мекеменин маалыматына караганда, окуя бүгүн 27-апрелде “Манас” аэропортунда болгон.
Тажикстандын 31 жаштагы жараны Бишкек-Москва авиакаттамы менен учуп кетүүгө аракет кылган.Текшерүү учурунда анын колундагы кыргыз паспорту жасалма экени аныкталган.
Кылмышка шектүү жаран Кыргызстандын Улуттук коопсуздук боюнча мамлекеттик комитетинин аймактык бөлүмүнө өткөрүлүп берилди. (RK)
