Шри-Ланкада 21-апрелде Пасха майрамын белгилөө учурунда алты жерде жардыруу болуп, соңку кабарлар боюнча 130дай киши каза тапты. 300дөй киши жарадар болду.
«France Presse» маалымат агенттиги полициядагы булактарга таянып жазганына караганда, жардыруу үч отелде жана Коломбодогу чиркөөдө бир убакта болгон, Коломбодогу жана Негомбодогу чиркөөлөр талкаланган. Жергиликтүү маалымат каражаттары жабыр тарткандардын арасында чет өлкөлүк туристтер да болушу ыктымал экенин билдирип жатышат.
Жардыруу боюнча жоопкерчиликти бир да экстермисттик топ өзүнө ала элек.
