Бурулайдын өлүмү: милициянын көрсөтмөсү

Чүй облусунун Аламүдүн райондук соту Бурулай Турдаалы кызынын өлүмү боюнча милиция кызматкерлеринин ишин карады. Бул жолку соттук отурумда чакырылган жети күбөнүн алтоо көрсөтмө берди. Соттук жараянга күбө катары катышкан мурдагы Жайыл райондук ички иштер бөлүмүнүн башчысы жоопкерчилик анын кол алдындагы кызматкерлердин мойнунда болгонун айтты. Буга чейин сот отурумдары төрт жолу чакырылган күбөлөр жана айыпталуучу тарап келбегени үчүн жылдырылган.