АКШ президенти Дональд Трамп “шатдаун” 15-февралга чейин токтотулганын билдирди. Бул аралыкта республикачылар менен демократтар АКШ менен Мексиканын чек арасына дубал тургузуу маселесинде сүйлөшүү жүргүзөт, - деп маалымдайт "Настоящее время".
Президент бул өңүттө билдирүү жасап, "Шатдаунду токтотуп, федералдык өкмөттү кайра ачуу жаатында макулдашууга жетишкенибизди жарыялоо мен үчүн сыймык", - деди. Ал 15-февралга чейин бардык мамлекеттик кызматкерлер айлык акыларын аларын белгилеп, америкалыктар "өзгөчө инсандар" экенин айтты жана ыраазычылык билдирди.
Трамп өлкөнүн түштүк чек арасына дубал куруш үчүн Конгресстен 5 миллиарддан ашык доллар сураган. Конгрессте көпчүлүктү түзгөн демократтар буга макул болгон эмес.
АКШнын федералдык өкмөтү жарым-жартылай токтоп турганына бир айдан ашты. Бул - америкалыктар атагандай, АКШнын тарыхындагы эң узак «шатдаун».
