Дубай: "Ак шумкардын" күйөрмандары

Кыргызстандын футбол ардагерлери "Ак шумкарларга" кайрылуу жасады. Алар Азия Кубогунда ойноп жаткан Кыргызстандын курама комадасынын кезектеги Түштүк Корея менен боло турган беттешинде жеңишке жетерине ишенерин билдиришти. Бириккен Араб Эмираттарына кыргыз футболчуларын колдоп Кыргызстандан 200дөй футбол күйөрмандары келген. Алардын арасында СССРдин спорт чебери, 1960-70- жылдардагы “Алга” командасынын легендарлуу чабуулчусу Юсуп Мусаев да бар. Андан сырткары Дубайда жашаган жаштар да чогулуп, беттеш өтчү Аль-Айн шаарына аттанган. Кыргызстан менен Түштүк Кореянын курама командаларынын оюну, 11-январда Аль-Айн шаарында өтөт. Оюн Бишкек убактысы боюнча 22:00дө башталат.