Президент Сооронбай Жээнбеков Орусиянын Санкт-Петербург шаарында Евразия экономикалык кеңешинин жыйынына катышат. Президент Орусияга бүгүн, 6-декабрда учуп кетти. Бул тууралуу президенттик аппараттын маалыматтык саясат бөлүмү кабарлады.
Маалыматка караганда, президент 6-декабрда Санкт-Петербургда жыйынга катышып, 7-декабрда Москвага иш сапары менен барат.
Москвада залкар жазуучу Чыңгыз Айтматовдун эстелиги президенттин катышуусунда ачылат. (NT)
