Ош шаарында кыз-келиндерге зомбулук кылбоого чакырган "Сары кол чатыр" аллеясы ачылды. 27-ноябрда Токтогул Сатылганов атындагы эс алуу багында атайын ажыратылган жерге сары түстөгү кол чатырлар илинди.
Бул аллея кыз-келиндерге зомбулук көрсөтүүнү токтотууга арналат. Аны мэрия өкмөттүк эмес уюмдар менен кошо уюштурууда. Саамалык аялдардын укугун коргоо максатында жыл сайын ноябрда өткөрүлчү 16 күндүк өнөктүктүн алкагында жүргүзүлүп жатат.
"Дүйнөнү кызгылт-сары кылып, аял-мигранттардын укуктарын коргоо үчүн" деген ураан менен эл аралык 16 күндүк өнөктүк жыл сайын 26-ноябрдан 10-декабрга чейин уланат.
