Аба ырайынын кескин өзгөрүшүнө байланыштуу Казакстандын беш облусундагы жана баш калаа Астанадагы шаар аралык жолдор жабылды.
24-ноябрда кечинде Астана – Караганда, Астана – Кабанбай баатыр жана Астана – Коргалжын автоунаа жолдорунда транспорттун бардык түрлөрү үчүн кыймылга чектөө киргизилген. Мындан тышкары Алматы, Караганда, Жамбыл жана Чыгыш-Казакстан облустарындагы жолдор да жабылды.
"Казгидромет" ушул күндөрү өлкөнүн жети облусунда туруксуз аба ырайы болорун билдирген. 25-ноябрда өлкөнүн көпчүлүк аймактарында бурганак болуп, туман түшүп, жолдор тайгак болгону маалымдалды.
