Сегиз кишиден турган ирандык мигранттардын тобу Британиянын түштүк жээгиндеги Англис каналында чакан кайыкта сүзүп жүргөн жеринен куткарылды. 23-ноябрда да аталган өлкөнүн Довер шаарына жакын кайыкта жалгыз сүзүп жүргөн мигрант табылган.
Алар Англис жээктерине чейин кантип келгени азырынча белгисиз. 22-ноябрда 14 ирандык мигрант да Британ жээктеринен табылган.
Бир жуманын ичинде эле 42 мигрант кайык менен Англияга сүзүп барышты. Бир айда келген ирандыктар 93 адамга жеткенин Би-Би-Си билдирет. (BCh)
