Орусияда бейрасмий жана табышмактуу жеке менчик аскердик компаниялардын, же кыскача ЧВКлардын маселеси талкуу жаратууда. Сирия, Украина сыяктуу согуш жүрүп жаткан аймактарга жалданма аскерлерди жөнөткөн бул компаниялардын иши боюнча эл аралык сотко арыз жолдонду. Кремль “вагнерчилер” сыяктуу жеке менчик аскердик компанияларды тааныбайт. Бирок алардын жалданма аскерлери Орусиянын атынан керек болсо Африка континентинде иш жүргүзүп жатканы ашкере болууда. Биз алдыда орусиялык жалданма аскерлер дүйнөгө канчалык кеңири тараганын айтып беребиз.