Германиялык "Ауди" компаниясы 800 млн. евро (927 млн. доллар) айыпка жыгылды. Мюнхен шаарынын прокуратурасы "Аудинин" дизелдик автоунааларынан чыккан зыяндуу заттын өлчөмү туура эмес көрсөтүлгөн деп айыптаган.
Сөз алты жана сегиз цилиндр кыймылдаткычтуу унаалар тууралуу жүрүүдө.
Компания чечимди кабыл аларын, жогорку инстанцияга арыз менен кайрылбай турганын билдирди. Нормативдик талаптардан четтеп кеткени үчүн жоопкерчилигин сезери камтылган.
Бул “быйылкы кирешеге сезилерлик терс таасир этет” деп айтылат компаниянын билдирүүсүндө.
