Ички иштер министрлигинин маалыматына караганда, Бишкек шаарындагы үй-бүлөлүк дарыгерлер борборунун гинекологдору бала сатууга шектелип 7-сентябрда кармалышты. Тергөөнүн кызыкчылыгы үчүн алардын аты-жөнү айтылган жок.
Дарыгерлер бала сатууга байланыштуу козголгон кылмыш иштин алкагында колго түшкөн. Алардын бири убактылуу тергөө абагына камалды. Учурда иликтөө-тергөө иштери жүрүп жатат.
Саламаттык сактоо министринин орун басары Мадемин Каратаев дарыгерлердин кармалганы тууралуу маалыматты угушканын, 10-сентябрда кызматтык иликтөө баштала турганын "Азаттыкка" кабарлады. (КЕ/BCh)
