Бүгүн Каспий деңизинин жээгиндеги Түркмөнстандын “Аваза” туристтик жайында Аралды сактоо боюнча эл аралык фондду негиздеген мамлекеттердин башчыларынын кезектеги саммити өтүүдө.
Ага катышуу үчүн кечээ-бүгүн Түркмөнстанга Кыргызстандын, Казакстандын, Өзбектандын жана Тажикстандын президенттери барышты.
Борбор Азия мамлекеттери Аралды сактоо боюнча эл аралык фондду 1993-жылы негиздешкен. Анын максаты Арал деңизинин бассейниндеги социалдык-экономикалык жана экологиялык абалды жөнгө салуу болгон.
Түркмөнстан бул фондго 2017-2019-жылдар үчүн төрагалык кылууда. Борбор Азиянын Арал боюнча буга чейинки акыркы саммити 2009-жылы Казакстанда өткөн. (UE)
