"Балам чөгүп өлмөк эмес..."
Таш-Көмүрдө сууга чөгүп каза болгон жоокердин жакындары анын өлүмүнө кайдыгерлик себеп болгонун айтышууда. Нарын дарыясында сууга чөккөн кишини издөө иштерине тартылган маркум аскер 13-августта жоголуп, бир күндөн кийин сөөгү дарыянын жээгинен табылган. Аскер бөлүктүн командирлери жоокер өз алдынча сууга түшүп жаткан учурда чөккөнүн айтып жатышат.