Бишкектеги “Ала-Арча” мамлекеттик резиденциясында мугалимдердин август конференциясы өтүп жатат. Ага өлкө аймактарынан келген 220 мугалим катышууда. Алар окуу программасына киргизилген жаңылыктарды, акыркы өзгөрүүлөрдү талкуулайт.
Билим берүү жана илим министри Гүлмира Кудайбердиева акыркы кезде мектептерде жаңы технологияларды киргизүүгө маани берилип жатканын белгилеп, бул багытта мектеп мугалимдерин өз билимдерин өркүндөтүүгө чакырды.
Мугалимдердин август конференциясы өлкөнүн бардык аймактарында өтүүдө. (BkA)
