Эс алуу жайларында коопсуздук ойдогудай эмес

Ысык-Көлдө суу объектилеринде адам өмүрүн коргоонун эрежелери боюнча текшерүүлөр жүрүүдө. Анда пансионаттар жана эс алуучу жайлардагы сууга түшүүдөгү коопсуздукка, куткаруучулардын, алардын шаймандарынын даярдыгына басым жасалып жатат. Өзгөчө кырдаалдар башкармалыгы менен Экологиялык жана техникалык коопсуздук боюнча инспекция эс алуучу жайлардагы коопсуздуктун сакталышына көп канааттанышкан жок.