Бүгүн эртең мененки саат 7лерде Бишкектин Киев жана Логвиненко көчөлөрүнүн кесилишинде №224 маршруттук такси менен “Тойота Ипсум” үлгүсүндөгү жеңил автоунаа кагышып, үч киши жараат алды. Алардын экөө маршрутканын, бирөө “Тойота Ипсумдун” жүргүнчүсү болгон.
Бул тууралуу Жол кыймылынын коопсуздугун камсыздоо башкы башкармалыгы кабарлады. Жабыркагандар ооруканага жеткирилди. Бардык материалдар шаардык милициянын тергөө бөлүмүнө өткөрүлдү. (КЕ)
