Оорукта калган кыргызстандыктар фронтко өз ыктыярлары менен жөнөткөн каражаттардын эсеби ушул күнгө чейин толук такталып бүтө элек. Буга чейинки такталган маалыматтарда кыргыз жергесинен 200 миллион рублден көп акча каражат, жүздөгөн вагон азык-түлүк, жылуу кийимдер жөнөтүлгөнү айтылып келет. "Азаттык" Кыргызстандын борбордук мамлекеттик архивинин кинофотофонодокументтер бөлүмүндө сакталган 1941-1945-жылдардагы фронттогу турмушту баяндаган сүрөттөрдү сунуштайт.
Жеңиштин сыры биримдикте болгон
Тарыхта 1939-жылы башталган Экинчи Дүйнөлүк согушка Кыргызстандан 360 миңден ашуун адам аттанганы, алардын ичинен миңге чукул аял болгону маалым. 160 миңден ашуун жоокер курман болгон.
1
Кыргызстандан делегация Ленинградга кызыл флотчуларга белек алып баруу үчүн жөнөп жатышат. 1942-жыл
2
Артиллериялык батареяны даярдоо. 1943-жыл
3
Кыргызстан 360 миңден ашуун жаранын же ар бир төртүнчү кишини армияга жөнөткөн.
4
5
6
Панфиловчулар олжолонгон танкта. 1941-жыл. Подмосковье
7
Экинчи дүйнөлүк согуш учурунда Кыргызстандын эли 131 миң адамга азайган.
8
Кыргыз мамлекеттик опера жана балет театрынын артисти, СССРдин Эл артисти Сайра Кийизбаева фронтто "Алымкан" ырын ырдап жаткан учуру. 1942-жыл
9
Кыргыз мамлекеттик опера жана балет театрынын артисти Сайра Кийизбаева жана Мухиттинова. 1942-жыл.
10
Кыз-келиндер жарадар жоокерге биринчи жардам көрсөтүүдө. 1941-42-жылдардагы сүрөт.
11
Кыргызстандык кыз-келиндер Кызыл армиядагы жоокерлер үчүн жүндөн кийим токуп жатат. Фрунзе, 1942
12
13
5-бөлүмдүн бейтаптары жана кызматкерлери. 1942-жыл, Фрунзе
14
Байланыш мектебинин алдында уюштурулган курс.
15
1941-жылдын башында Кыргызстанда 1 миллион 588 миң адам каттоого алынган. 1946-жылкы каттоодо 1 миллион 457 миң адам калган.
16
Панфилов дивизиясынын 8-гвардиясындагы аскерлер үчүн даярдалып жаткан белек. 1942-жыл, Фрунзе
17
Жаш шахтачылар иштен кайтканда. 1945-жыл. Көк-Жаңгак
18
Жоокер Аваскан Мотокеев курал-жарактарды тазалоодо. 1941-жыл, Фрунзе
19
Пединституттун мыкты аткычы Сулайка Канаева. 1940-жыл, Фрунзе
20
Согуш маалында колхоз-совхоздор коргоо фондуна 74 миң тоннадай дан, 8 миң тоннадан ашуун эт тапшырган.
