Катаал тагдырга кайышпаган майып ырчы
1-топтогу майып Райымкалый Анарбек уулу отуз жылдан бери көчөдө ырдайт. Бул аралыкта ал беш балалуу болуп, учурда чүрпөлөрүнүн алды өз алдынча турмуш куруп кеткен. Азиз ырчы мындан отуз жылдай илгери көзү көрбөгөндөрдүн ишканасы жабылып калганда жумушсуздуктун айынан базарда ырдап чыгып, ошол бойдон ушул жол менен жан бакканга ык койгон. “Азаттык” үналгысы башында жубайына, кийинчерээк балдарына жетелетип өнөрү менен нан тапкан майып ырчынын турмушуна кызыкты.